غنوا معايا يا شعب الرب

القرار
غنوا معايا يا شعب الرب
تعالوا نرنم ليه
خلوا هتاف تسبيحنا يدوي
ويعلن نصرنا فيه
وليوم مجيئه نكون
شعبه اللي مستنيه
ومعاه هناك في سماه
نفضل نرنم ليه

1
قلبي بيهتف للي فداني
بدمه على الصليب
روحي وعقلي ويا لساني
يعظموا اغلى حبيب
بسجود وحمد وعود
ها امجد اسمه واعليه
وفي ليل زمان الغربه يفضل
قلبي يرنم ليه

2
وسط الحرب ووقت الضيقه
بارفع قلبي اليه
وعده يثبت في ايماني
يخليني اهتف ليه
دي قيود سجون وجيوش حروب
نكسرها بالتسبيح
لما بيعلا هتاف ايمانا
” مجدا للمسيح ”

3
مجد الرب في وسط كنيسته
بنعلنه بالتسبيح
وباصوات الحمد بنهتف
” علو اسم المسيح“
رافعين صليب الرب ده
احنا بدمه مفديين
غالبين جنود الشر باسمه
دايما منتصرين