يا ربي يا نصيب

القرار
يا ربي... يا نصيبي شو بحبك يا حبيبي
يا ساكن جوا بقلبي وبروحك عم تحييني
وحدك بتخلي الغربة تحلى وبتضوي سنيني
شو بحبك... شو بحبك... شو بحبك يا يا حبيبي

1- اسمك احلى واعلى واسمى من كل الاسامي
ما بيغريني العالم مهما يتزين قدامي
انت النور اللي بيهديني وبيي الما بينساني
وانت الكلمة البتعزيني وبتخفف احزاني
وكل ما بتبعد عنك روحي بتشعر انها غريبة

2- دمك كان الثمن العالي اللي دفعته كرمالي
يرخص كل الكون بعيني ووحدك تبقى الغالي
انت العين اللي بتحميني وعليي سهرانة
وانت اللمسة اللي بتشفيني الايد اللي بترعاني
لولا صليبك كان عليي شيل بنفسي صليبي.