مش مستحيل عليك

مش مستحيل عليك تنزع من بين ضلوعي قلبي الحجر
وتعطيني قلب جديد ما بيعرف غير يحبك
وتشفي فكري المريض من داء الخطية داء البشر

مش مستحيل عليك يللي خلاصي فيك بلحظة اكتمل
مش مستحيل عليك انك كمان بلحظة تكمل فيي العمل

بدي تعلمني حبك من قلبي كله ومن فكري كله
ومن نفسي كلها ومن عزمي كله
بدي تكملني فيك حتى فكري يرضيك
وبعرف انه هيدا مش مستحيل عليك

صعبة يا ربي عليي حب اللي بيعاديني
وبشعر اني ما فيي اغفر للي بيؤذيني
ياما بحاول سامح وانسى جروح مبارح
كيف عم بقدر قول بحبك وانا مش قادر اقبل خيي