تعالى يا رب

القرار:
تعالى يا ربى يسوع من فضلك اهدى حياتى وبارك فيها
تعالى الان ارجوك محتاجلك تلمس جراحاتى وتشفيها

1 -تعالى بنورك شق طريق وسط ضباب التوهة الصعبة
مين غيرك فى الرحلة صديق صحبة تهون طول الغربة

2-تعالى ارشدنى وحط علامة ع السكة اللى اخرها سلامة
وادينى اطاوعك واسلم دا عنادى اكيد اخره ندامة

3-تعالى يا ربى وخليك جنبى لازم اختار لكن محتار
اختارلى انت وريح قلبى ما انت العالم بالاسرار