حكولي الناس

حكولي الناس الطيبين عالخل ابو القلب الحنين
قالولي عنه حكاوي زين تسحر الالباب وتفتن

قولت انا ها يعينني مين بالجبال اتعابي توزن
قالولي لو حملك تقيل هو للاحمال يهون

درت على كل القلوب بس مين باب قلبه يفتح
قالولي لو حزنك دفين حضنه مفتوح ليك يفرح

قلب انا يشفيني مين من الام قلبي المتجرح
قالولي لو ذنبك مهين هو وحده في ايده يصفح

حكولي الناس الطيبين عن خل حب ومات عشانا
سالت وقلت حبيبكم مين قالولي هو يسوع الهنا