تعليق

1-(باكتب لك ايامي رسالة حب اهديها يارب اليك
وارسملك تسبيحي حكاية هافضل اغنيها يا مليك)2
(وانا مهما قدمت يا ربي هافضل دايما ليك مديون
دا انت اتجسدت علشاني وشلت كل الهموم)2
(دا العمر منور بيك والخير يملا ويفيض
وسرور في القلب اكيد امطار البركة تزيد)2

2-(يا كوكب الصبح العالي باعبد شخصك واسجد ليك
وباسبح اسمك يا غالي دي النصرة مضمونة فيك)2
(يا واهب للزهرة تيجان والعصفور دايما شبعان
كل اسرار الكون في ايديك يهتف لك قلبي فرحان)2
(يا مهوب انا بخضع ليك يا يسوع انا حبي اليك
يا راويني بغمر عينيك كل كرامة ومجد اليك)2

3-(ايام معدودة وهاقابلك زمن الغربة خلاص هيغيب
روحي هتتمتع وانا قربك وانا شايف صورتك يا حبيب)2
(انا ضامن في سماك مكان بيتك صار لي عنوان
توهبني اكاليل وتيجان واتهني برب الاكوان)2
(انا هافضل مستنيك دا مجيئك لي قريب
وعيني تكون في عينيك يالفرحة قلبي بيك)2