انت اللحن اللي بغنيه

1
انت اللحن اللي بغنيه هايم في كلامه ومعانيه
نبضه في قلبي وعايش بيه هافضل عمري الجاي احكيه
انت منايا وسر غنايا والتسبيح اللي اهتف بيه
شهوة قلبي ولي سمايا لذة عمري وعمري دا فيه

القرار
(لحن الالحان اسمك يا يسوع
نغم الانغام حبك يا يسوع) 2

2
رحلة حبه تاخدني اليه وفي ترحالي شاخص ليه
عطش الروح بينادي عليه ساكن في وساكن فيه
انسى مكاني وانسى زماني وانسى الكل وافكر بيه
واسمع صوته بيملا كياني دا اللحن اللي انا عايش فيه